Կիպրոսի ֆուտբոլի ֆեդերացիայի ներկայացուցիչները Հայաստանի ազգային հավաքականի դեմ Երեւանում կայանալիք ընկերական հանդիպումից առաջ այցելել են Հայոց ցեղասպանության զոհերի հիշատակը հավերժացնող Ծիծեռնակաբերդի հուշահամալիր եւ ծաղիկներ դրել անմար կրակի կողքին: Ծիծեռնակաբերդ են այցելել Կիպրոսի ֆուտբոլի ֆեդերացիայի փոխնախագահ Ֆոտիս Ֆոտիոսը, ֆինանսական տնօրեն Անդրեաս Մորիասը, միջազգային կապերի հարցով տնօրեն Ադոնիս Պրոկոպիուն եւ Ազգային կոմիտեի ներկայացուցիչ Խրիստոդուլոս Տոմասը, հայտնում է Կիպրոսի ֆուտբոլի ֆեդերացիայի մամուլի ծառայությունը։
Հիշեցնենք, որ Հայաստանի եւ Կիպրոսի հավաքականների միջեւ խաղը կկայանա նոյեմբերի 13-ին Վազգեն Սարգսյանի անվան «Հանրապետական» ստադիոնում եւ կսկսվի ժամը 18։00-ին։
Հետևեք NEWS.am SPORT-ին Facebook-ում, Twitter և Telegram-ում