15:33  AMT,  10 նոյեմբերի, 2017

Մոլդովայի նախագահ. Շախմատը օգնում է քաղաքականությանը

Շախմատը շատ է օգնում քաղաքականությանը: Եթե գիտես շախմատ խաղալ, այն վստահ քեզ կօգնի քաղաքականությունում:

Այս մասին լրագրողների հետ ճեպազրույցում Հայաստանի շախմատի ակադեմիայում ասել է Մոլդովայի նախագահ Իգոր Դոդոնը:

Պաշտոնական այցով Հայաստանում գտնվող Մոլդովայի նախագահ Իգոր Դոդոնը տիկնոջ՝ Գալինա Դոդոնի հետ նոյեմբերի 10-ին այցելեց Հայաստանի շախմատի ակադեմիա: Ակադեմիայում Մոլդովայի նախագահին եւ առաջին տիկնոջը դիմավորեց Հայաստանի շախմատի ֆեդերացիայի փոխնախագահ Սմբատ Լպուտյանը:

Մոլդովայի նախագահը տինկոջ հետ Սմբատ Լպուտյանի ուղեկցությամբ շրջեց շախմատի ակադեմիայում, եղավ շախմատի լսարաններում, տեխնիկական սրահներում, հետեւեց նաեւ մարզվող երեխաների պարտիաներին: Իգոր Դոդոնին շատ հետաքրքրեցին նաեւ շախմատի ակադեմիայի պատերը զարդարող գեղանկարներy եւ դրանց հեղինակները:

Մոլդովայի առաջին տիկինը ամուսնու հետեւից լուռ շրջում էր ակադեմիայով:

«Գիտեմ, որ հայերը նույնպես սիրում են շախմատ խաղալ: Եկել եմ Հայաստանի շախմատի ակադեմիան ուսումնասիրելու եւ ծանոթանալու հայկական շախմատի զարգացմանն ու փորձին: Մոլդովայում շախմատը զարգացման ճանապարհին է, բայց այսօր ես ուսումնասիրեցի շախմատի ուսուցման մի քանի գրքեր եւ դրանց օրինակներից ինձ հետ տանելու եմ, որպեսզի Հայաստանի փորձով փորձենք մեզ մոտ նույնպես շախմատը զարգացնել:

Սիրում եմ շախմատ խաղալ, գրեթե ամեն օր խաղում եմ՝ առավոտյան կամ երեկոյան: Ոչ միշտ եմ հաղթում: Այս այցիս ընթացքում, ցավոք, հնարավորություն չեղավ Հայաստանի ղեկավարության հետ շախմատ խաղալ:

Շախմատը օգնում է կյանքում: Քաղաքականությունում մի փոքր շախմատ կա: Այն, որ շախմատը օգնում է քաղաքականությանը, դա 100 տոկոս է»,- ասաց Մոլդովայի նախագահը:

Լուսինե Շահբազյան

 

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Loading...
  • Հարցում
2017թ. Հայաստանի լավագույն մարզիկը
Արթուր Ալեքսանյան
Լեւոն Արոնյան
Մաքսիմ Մանուկյան
Հենրիխ Մխիթարյան
Հովհաննես Բաչկով
  • Ֆեյսբուք
  • Վիճակագրություն
  • Արխիվ
Loading...