Չիլիի ոստիկանությունը մերժել է պրոֆեսիոնալ բռնցքամարտի աշխարհի նախկին բացարձակ չեմպիոն Մայք Թայսոնի մուտքը այդ երկիր: Ամերիկացի բռնցքամարտիկը ստիպված է եղել հետադարձ չվերթով վերադառնալ ԱՄՆ, հաղորդում է Չիլիի ոստիկանությունը:
Մայք Թայսոնը պետք է մասնակցեր չիլիական հեռուստատեսության կազմակերպած միջոցառման:
51-ամյա Թայսոնը նախկինում ունեցել է դատվածություն բռնաբարության, հարձակման եւ թմրանյութեր պահելու հոդվածներով: Չիլիի օրենքը ոստիկանությանը իրավունք է տալիս արգելել դատվածություն ունեցող օտարերկրացիների մուտքը երկիր:
Հետևեք NEWS.am SPORT-ին Facebook-ում, Twitter և Telegram-ում