22:02  +04,  6 նոյեմբերի, 2017

ԵԱ. Հայաստանի հավաքականի վերջնական դիրքը

Հունաստանում ավարտված շախմատի Եվրոպայի թիմային առաջնությունում Հայաստանի հավաքականը 10 միավորով բաժանեց 12-17-րդ տեղերը: Լրացուցիչ ցուցանիշներով հայկական թիմը 14-րդն էր:

Հայաստանի հավաքականի կազմում հանդես եկան Լեւոն Արոնյանը, Սերգեյ Մովսեսյանը, Գաբրիել Սարգսյանը, Հրանտ Մելքումյանը եւ Հովհաննես Գաբուզյանը:

Վերջին՝ 9-րդ տուրում հայկական թիմն առանց Լեւոն Արոնյանի ոչ ոքի էր ավարտել Սերբիայի թիմի հետ մրցամարտը:

Անցկացված 9 տուրերում Հայաստանի հավաքականը հաղթեց Շվեյցարիային, Հունաստանին եւ Հոլանդիային, ոչ ոքի խաղաց Խորվաթիայի, Հունգարիայի, Լեհաստանի ու Սերբիայի հետ, ինչպես նաեւ պարտվեց Ադրբեջանին ու Գերմանիային:

Ադրբեջանի եւ Ռուսաստանի թիմերը 14-ական միավորով բաժանեցին առաջին տեղը, սակայն լրացուցիչ ցուցանիշներով Եվրոպայի չեմպիոն դարձան ադրբեջանցիները: Բրոնզե մեդալ նվաճեց Ուկրաինայի հավաքականը, որը վաստակեց 13 միավոր եւ միայն լրացուցիչ ցուցանիշներով գերազանցեց Խորվաթիայի թիմին:

Վերջին տուրի արդյունքները

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (10)
  • Ֆեյսբուք
  • NEWS.am Sport Exclusive
  • Արխիվ