Մադրիդի «Ռեալը» հրապարակել է թիմի հայտացուցակը Լոնդոնի «Տոտենհեմի» դեմ Չեմպիոնների լիգայի չորրորդ տուրի խաղում:
4 ֆուտբոլիստներ հայտացուցակում տեղ չեն գտել վնասվածքի պատճառով: Խոսքը կոստառիկացի դարպասապահ Կեյլոր Նավասի, պաշտպաններ Ռաֆայել Վարանի ու Դանիել Կարվախալի եւ ուելսցի կիսապաշտպան Գարեթ Բեյլի մասին է: Իսպանացի կիսապաշտպան Իսկոն հայտավորվել է, թեեւ ավելի վաղ նշվում էր, որ նա կարող է բաց թողել հանդիպումը, փոխանցում է ակումբի մամուլի ծառայությունը:
«Ռեալի» եւ «Տոտենհեմի» միջեւ պատասխան խաղը կկայանա նոյեմբերի 1-ին Լոնդոնում: Մադրիդում թիմերը չէին պարզել հաղթողին՝ 1:1:
Հետևեք NEWS.am SPORT-ին Facebook-ում, Twitter և Telegram-ում