Մյունխենի «Բավարիայի» եւ Լեհաստանի հավաքականի հարձակվող Ռոբերտ Լեւանդովսկին, հոկտեմբերի 5-ին 3 գնդակ ուղարկելով Հայաստանի թիմի դարպասը, 2018թ. աշխարհի առաջնության ընտրական փուլում գոլերի քանակը հասցրել է 15-ի եւ սահմանել ռեկորդ:
Նախկինում ոչ մի ֆուտբոլիստի չէր հաջողվել 15 գոլ խփել աշխարհի առաջնության եվրոպական գոտու մեկ ընտրական մրցաշարում: Նախորդ ռեկորդը պատկանում էր գերմանացի Գերդ Մյուլերին եւ Պորտուգալիայի հավաքականի առաջատար Կրիշտիանու Ռոնալդուին, որոնք մեկ ընտրական փուլում դարձել էին 14-ական գոլի հեղինակ: Մադրիդի «Ռեալի» հարձակվող Ռոնալդուն Գերդ Մյուլերի ռեկորդը կրկնել էր այս ընտրական փուլում եւ դեռ կարող է թարմացնել այդ ցուցանիշը վերջին 2 խաղերում:
Հիշեցնենք, որ Երեւանի «Հանրապետական» ստադիոնում կայացած խաղում հեթ-տրիկից հետո 29-ամյա Լեւանդովսկին ազգային թիմում գոլերի քանակը հասցրեց 50-ի եւ դարձավ Լեհաստանի հավաքականի պատմության լավագույն ռմբարկուն: Այդ ցուցանիշով նախորդ ռեկորդը պատկանում էր Վլոդզիմեժ Լյուբանսկուն, որը Լեհաստանի հավաքականում խփել է 48 գոլ:
Հետևեք NEWS.am SPORT-ին Facebook-ում, Twitter և Telegram-ում
09:04 , 19 ապրիլի 
02:04 , 19 ապրիլի 
01:55 , 19 ապրիլի 
01:52 , 19 ապրիլի 
01:10 , 19 ապրիլի 
01:02 , 19 ապրիլի 
23:59 , 18 ապրիլի 
23:46 , 18 ապրիլի 
23:25 , 18 ապրիլի 
22:48 , 18 ապրիլի 
