Հայաստանի ներկայացուցիչներն ավարտեցին ելույթները Գերմանիայի Օբերսդորֆ քաղաքում անցկացվող Nebelhorn Trophy 2017 գեղասահքի մրցաշարում, որը վարկանիշային է Հարավային Կորեայում կայանալիք ձմեռային օլիմպիական խաղերի համար:
Անաստասիա Գալուստյանը կանանց մենասահքի կարճ ծրագրրից հետո 15-րդն էր, իսկ ազատ ծրագրում 142.30 միավորով գրանցեց 7-րդ արդյունքը: Ընդհանուր հաշվարկում Գալուստյանը գրավեց 8-րդ տեղը:
Պարային զույգերի մրցաշարում Հայաստանը ներկայացրած Թինա Կարապետյան - Սիմոն Սենեկալ զույգն ազատ ծրագրում հավաքեց 140.98 միավոր (7-րդ արդյունք) եւ գրավեց 8-րդ տեղը: Կարճ ծրագրից հետո եւս Կարապետյանն ու Սենեկալը 8-րդն էին:
Հայաստանի ներկայացուցիչներին չհաջողվեց նվաճել օլիմպիական ուղեգիր, որին այս մրցաշարում արժանանում են 1-6-րդ տեղ գրաված գեղասահորդները:
Հիշեցնենք, որ նախօրեին հանդես էր եկել նաեւ Սլավիկ Հայրապետյանը, որը 12-րդ տեղն էր գրավել տղամարդկանց մենասահքում:
Հետևեք NEWS.am SPORT-ին Facebook-ում, Twitter և Telegram-ում