Հայկական շախմատի առաջատար Լեւոն Արոնյանը (2802) աշխարհի գավաթի խաղարկության կիսաեզրափակիչի թայ-բրեյքի պատասխան պարտիայում սպիտակներով 26 քայլում պարտության մատնեց ֆրանսիացի Մաքսիմ Վաշյե-Լագրավին (2804)՝ հավասարեցնելով հաշիվը: Առաջին պարտիայում Լեւոն Արոնյանը սեւերով պարտություն էր կրել:
Ամերիկացի Ուեսլի Սոն (2792) եւ չինացի Դին Լիրենը (2771) թայ-բրեյքի երկրորդ պարտիան եւս ավարտեցին ոչ ոքի:
Այժմ կանցկացվի կարճ ժամանակով (10 րոպե) եւս երկու պարտիա:
Եզրափակիչի ուղեգրի հետ հաղթողները կստանան նաեւ 2018թ. մարտին Բեռլինում կայանալիք աշխարհի չեմպիոնի հավակնորդների մրցաշարի մասնակցության իրավունք:
Հետևեք NEWS.am SPORT-ին Facebook-ում, Twitter և Telegram-ում