Չեմպիոնների լիգայի անցած եզրափակիչի մասնակից Թուրինի «Յուվենտուսը» նոր մրցաշրջանը գլխավոր եվրագավաթային մրցաշարում կսկսի զգալի կադրային կորուստներով:
Առաջին խաղում Իտալիայի չեմպիոնները Կատալոնիայում կմրցեն «Բարսելոնայի» հետ: Մասիմիլիանո Ալեգրիի գլխավորած թիմին չեն օգնի վնասվածքներ ունեցող Սամի Խեդիրան, Կլաուդիո Մարկիզիոն, Ջորջիո Կյելինին, Մարիո Մանջուկիչը: Որակազրկման պատճառով հանդես չի գա Խուան Կուադրադոն:
Սեպտեմբերի 12-ին կայանալիք «Բարսելոնա» - «Յուվենտուս» հանդիպումը կմեկնարկի Երեւանի ժամանակով 22:45-ին:
Հետևեք NEWS.am SPORT-ին Facebook-ում, Twitter և Telegram-ում