10:01  ,  6 սեպտեմբերի, 2017

Միհրան Հարությունյանը սկսում է ММА-ի կարիերա

Ռիո-2016-ի օլիմպիական փոխչեմպիոն, հունահռոմեական ըմբշամարտի Հայաստանի հավաքականի առաջատարներից Միհրան Հարությունյանը ուժերը փորձելու է խառը մենամարտերում (ММА): Այդ մասին հայտնել է ԱՄՆ-ում աշխատող ММА-ի հայտնի մենեջեր Ռիզվան Մոգոմեդովը:

«Ընկերներ, շտապում եմ կիվել հետաքրքրիր նորությամբ: Բոլորին հայտնի հունահռոմեական ըմբշամարտի օլիմպիական չեմպիոն Միհրան Հարությունյանը մարզական նոր ուղի է սկսում ММА անունով: Ոչ մի կասկած չունեմ, որ նա մեծ հաջողությունների կհասնի այդ մարզաձեւում: Մենք արդեն համագործակության պայմանավորվածություն ենք ձեռք բերել եւ մեծ ջանքեր կգործադրենք ամենաբարձր նպատակներին հասնելու համար: Սպասեք նորությունների»,- «Ինստագրամում» գրել է Ռիզվան Մոգոմեդովը, որի գրառումը Միհրան Հարությունյանը տարածել է սոցցանցերում: 

Հիշեցնենք, որ  Միհրան Հարությունյանն ըմբշամարտի մրցագորգից բացակայում է Օլիմպիական խաղերից հետո: Ռիո-2016-ում նա հանդես էր եկել ուսի վնասվածքով, իսկ եզրափակիչում խայտառակ կողմնակալ մրցավարության պատճառով պարտվել է սերբ Դավոր Շտեֆանեկին։ Դրանից հետո հայ ըմբիշը 2 վիրահատության է ենթարկվել Գերմանիայում եւ Լեհաստանում:

Հետևեք NEWS.am SPORT-ին Facebook-ում, Twitter և Telegram-ում