Հայաստանի հավաքականն ավարտեց մրցելույթները Թայվանում ընթացող 29-րդ ամառային համաշխարհային ուսանողական խաղերում։ Յոթ մարզաձեւի մրցումներում Հայաստանի 16 մարզիկները նվաճեցին երեք ոսկե, մեկ արծաթե ու երկու բրոնզե մեդալ։ Վերջին մեդալը նվաճել է Անդրանիկ Թեեւոսյանը (70 կգ), որն ուշուի սանդա մրցաձեւում բավարարվել է երրորդ տեղով:
Համաշխարհային ուսանողական խաղերում Հայաստանի մասնակցության պատմության մեջ առաջին անգամ թիմը նվաճեց երեք ոսկե մեդալ, նաեւ առաջին անգամ ունեցանք կրկնակի չեմպիոն: Սպորտային մարմնամարզությունում նման հաջողության հասավ Արթուր Թովմասյանը:
Հետևեք NEWS.am SPORT-ին Facebook-ում, Twitter և Telegram-ում