Փարիզում ավարտին մոտեցող հունահռոմեական ըմբշամարտի աշխարհի առաջնության երկրորդ օրը տպավորիչ գոտեմարտերով փայլում է 80 կգ քաշային կարգում հանդես եկող Հայաստանի հավաքականի ըմբիշ Մաքսիմ Մանուկյանը, որը դուրս է եկել եզրափակիչ եւ գոտեմարտի Բելառուսի ներկայացուցիչ Ռուդիկ Կուլիեւի հետ:
Ըմբշամարտի միջազգային ֆեդերացիայի պաշտոնական ալիքը ներկայացրել է Մաքսիմ Մանուկյանի կիսաեզրափակիչի եւ նախնական գոտեմարտերից մեկի տեսագրությունը:
Կիսաեզրափակիչում Մանուկյանը Եվրոպայի չեմպիոն, վրացի Զուրաբի Դատունաշվիլիին հաղթեց 1 րոպե 55 վայրկյանում՝ 7:0 հաշվով:
Քառորդ եզրափակիչում Մաքսիմ Մանուկյանը 3։0 հաշվով հաղթել էր Գերմանիայի ներկայացուցիչ Պասկան Այզելեին։ 1/8 եզարփակիչում Մանուկյանը 8:4 հաշվով պարտության էր մատնել շվեդ Ալեքս Կեսիդիսին:
Որակավորման փուլում մրցագորգ էր դուրս եկել իրանցի Յուսեֆ Ահմադ Ղադերիանի դեմ եւ հաղթել 10:1 հաշվով:
Հետևեք NEWS.am SPORT-ին Facebook-ում, Twitter և Telegram-ում