Գերմանիայի Բունդեսլիգայի առաջնությունը մեկնարկեց չեմպիոնի հաղթանակով: Մյունխենի «Բավարիան» ընդունեց Լեւերկուզենի «Բայերին» եւ առավելության հասավ 3:1 հաշվով: Առաջին խաղակեսում աչքի ընկան թիմի նորեկներ, գերմանացի պաշտպան Նիկլաս Զյուլեն եւ ֆրանսիացի կիսապաշտպան Կորենտին Տոլիսոն:
Երկրորդ խաղակեսի մեկնարկում հանդիպումը մի քանի րոպե ընդհատվեց հորդառատ անձրեւի պատճառով: Բունդեսլիգայի նոր մրցաշրջանում առաջին անգամ կիրառվեց կրկնապատկերի մրցավարական համակարգը: Դրա արդյունքում 11 մետրանոց նշանակվեց «Բայերի» դարպասին: Այն դիպուկ իրացրեց Ռոբերտ Լեւանդովսկին: Հյուրերի հեղինակության գոլը 65-րդ րոպեին խփեց շվեյցարացի հարձակվող Ադմիր Մեհմեդին:
Գերմանիայի առաջնություն, առաջին տուր
«Բավարիա» - «Բայեր»՝ 3:1
Նիկլաս Զյուլե, 9, Կորենտին Տոլիսո, 18, Ռոբերտ Լեւանդովսկի, 52, 11մ – Ադմիր Մեհմեդի, 65
Օգոստոսի 19
«Մայնց» - «Հանովեր»՝ 17:30 (Երեւանի ժամանակով)
«Համբուրգ» - «Աուգսբուրգ»՝ 17:30
«Հերտա» - «Շտուտգարտ»՝ 17:30
«Հոֆենհայմ» - «Վերդեր»՝ 17:30
«Վոլֆսբուրգ» - «Բորուսիա Դ.»՝ 17:30
«Շալկե» - «ՌԲ Լայպցիգ»՝ 20:30
Օգոտոսի 20
«Ֆրայբուրգ» - «Այնտրախտ Ֆ.»՝ 17:30
«Բորուսիա Մ.» - «Քյոլն»՝ 20:00
Հետևեք NEWS.am SPORT-ին Facebook-ում, Twitter և Telegram-ում