8-ակի օլիմպիական չեմպիոն Ուսեյն Բոլթը չկարողացավ ավարտել կարիերայի վերջին մրցումը:
Լոնդոնում ընթացող աթլետիկայի աշխարհի առաջնության 4х100 մ փոխանցումավազքում 100 եւ 200 մետր վազքի աշխարհի ռեկորդակիրը Ջամայկայի թիմի կազմում վերջինը ստացավ փայտիկը, սակայն վնասվածքի պատճառով չկարողացավ հատել եզրագիծը եւ ընկավ վազքուղու վրա:
4х100 մ փոխանցումավազքում հաղթեց Մեծ Բրիտանիայի թիմը, որը գնացեց 37,45 վայրկյան արդյունք: Ամերիկացիները գրավեցին երկրորդ տեղը (37,52 վայրկյան), իսկ լավագույն եռյակը եզրափակեց Ճապոնիայի քառյակը (38,04 վայրկյան):
Հիշեցնենք, որ Լոնդոնում Ուսեյն Բոլթը հանդես էր եկել նաեւ 100 մետր վազքում, որում բավարարվել էր երրորդ տեղով՝ առաջ թողնելով ամերիկացիներ Ջասթին Գեթլինին (9.92) եւ Քրիստիան Քոուլմանին (9.94): Ջամայկացի 30-ամյա արագավազրոդի արդյունքն էր 9.95 վայրկյան:
Ուսեյն Բոլթն աշխարհի 11-ակի չեմպիոն է:
Հետևեք NEWS.am SPORT-ին Facebook-ում, Twitter և Telegram-ում