23:20  AMT,  10 օգոստոսի, 2017

Լեւոն Արոնյան. Առաջին խոշոր մրցաշարիս ժամանակ գումար չունեինք, մայրս ավտոբուսում էր ապրում

Մոր ծննդյան 70-ամյակի օրը (օգոստոսի 9-ին) ամերիկացի Հիկարու Նակամուրային հաղթած եւ Sinquefield Cup մրցաշարի երեք առաջատարներից մեկը դառնալուց հետո Լեւոն Արոնյանը պատմել է, թե ինչ դժվարությունների միջով են անցել մոր հետ մինչեւ այսօրվա նվաճումներին հասնելը:

«Ուղիղ 23 տարի առաջ նվաճեցի առաջին տիտղոսս խոշոր միջազգային մրցաշարում: Մինչեւ 12 տարեկանների աշխարհի առաջնությանը Հունգարիայի Սեգեդ քաղաք մեկնել էի մորս հետ: Բայց մենք հյուրանոցի գումար չունեինք: Ամբողջ մրցաշարի ընթացքում մայրս ապրեց ավտոբուսում: Այդ պատճառով, հիմա կրկնակի հաճելի է, որ այսօրվա իմ խաղով կարող եմ ուրախացնել մորս եւ նշել նրա ներդրումն իմ հաջողություններում»,- Լեւոն Արոնյանի խոսքը մեջբերում է chess-news-ը:

Նշենք, որ Նակամուրայի նկատմամբ տարած հաղթանակից հետո Արոնյանի անհատական վարկանիշը հասել է 2807-ի եւ երեք տարի անց նա դարձյալ աշխարհի երկրորդ շախմատիստն է ընթացիկ վարկանիշային աղյուսակում՝ զիջելով միայն աշխարհի չեմպիոն, նորվեգացի Մագնուս Կարլսենին, որի վարկանիշը 2823 է: 

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Loading...
  • Հարցում
2017թ. Հայաստանի լավագույն մարզիկը
Արթուր Ալեքսանյան
Լեւոն Արոնյան
Մաքսիմ Մանուկյան
Հենրիխ Մխիթարյան
Հովհաննես Բաչկով
  • Ֆեյսբուք
  • Վիճակագրություն
  • Արխիվ
Loading...