Դորտմունդի «Բորուսիայի» ներկայացուցիչները կընդունեն «Բարսելոնայի» առաջարկը ֆրանսիացի հարձակվող Ուսման Դեմբելեի տրանսֆերային իրավունքի վաճառքի հարցով, եթե կատալոնական ակումբը համաձայնի վճարել 100 միլիոն եվրո, հաղորդում է գերմանական Bild-ը: Նշվում է, որ «Բարսելոնան» արդեն համաձայնության է հասել 20-ամյա ֆուտբոլիստի հետ: «Բորուսիան» հրաժարվել էր Դեմբելեին վաճառել 80 միլիոն եվրոյով:
2016թ. ամռանը «Բորուսիան» նրա համար ֆրանսիական «Ռենին» վճարել էր 15 միլիոն եվրո: Transfermarkt-ը Դեմբելեի տրանսֆերի արժեքը գնահատում է 33 միլիոն եվրո:
Գերմանիայի անցած առաջնության 32 խաղում նա խփել է 6 գոլ, կատարել 12 գոլային փոխանցում, ճանաչվել լավագույն երիտասարդ ֆուտբոլիստ:
Հետևեք NEWS.am SPORT-ին Facebook-ում, Twitter և Telegram-ում