Ուսեյն Բոլթը բոլոր ժամանակների լավագույն արագավազորդն է, բոլորը կկարոտեն նրան, ասել է Աթլետիկայի միջազգային ֆեդերացիայի նախագահ, բրիտանացի կրկնակի օլիմպիական չեմպիոն եւ փոխչեմպիոն Սեբաստիան Կոեն՝ անդրադառնալով Լոնդոնում մեկնարկած աթլետիկայի աշխարհի 16-րդ առաջնությունում ութակի օլիմպիական չեմպիոն, 100 եւ 200 մետր վազքի աշխարհի ռեկորդակիր Ուսեյն Բոլթի վերջին մեկնարկին եւ կարիերայի ավարտին:
«Բոլթը հանճար է: Նա ազդել է աթլետիկայի վրա այնպես, ինչե Մուհամեդ Ալին՝ բռնցքամարտի վրա: Կարելի է երկար բանավիճել, թե ով է լավագույն ֆուտբոլիստը, իսկ արագավազքում այդպիսի հարց չկա: Աթլետիկայում Բոլթի նման երկրորդը չի լինի: Մենք կտխրենք եւ կկարոտենք նրան: Հաճելի է, երբ միայն մեկ մարզիկի մեկնարկը տեսնելու համար ստադիոններ են լցվում: Այսպիսի մարզիկին, այսպիսի անհատականությանը հնարավոր չէ փոխարինել: Բոլորը գիտեն Բոլթին: Աթլետիկայում նրանից ավելի հայտնի ու ժողովրդական մարզիկ չկա»,- Կոեի խոսքը մեջբերում է BBC-ն:
30-ամյա մարզիկը Լոնդոնում ընթացող աշխարհի առաջնությունում մասնակցում է 100 մետր վազքին, որի եզրափակիչը օգոստոսի 5-ին է: Նա Ջամայկայի քառյակի կազմում կմասնակցի նաեւ 4 անգամ 100 մետր փոխանցավազքին:
Հետևեք NEWS.am SPORT-ին Facebook-ում, Twitter և Telegram-ում
00:47 , 20 ապրիլի 
23:08 , 19 ապրիլի 
22:26 , 19 ապրիլի 
21:51 , 19 ապրիլի 
21:03 , 19 ապրիլի 
20:26 , 19 ապրիլի 
19:28 , 19 ապրիլի 
19:15 , 19 ապրիլի 
18:50 , 19 ապրիլի 
18:32 , 19 ապրիլի 
