Անգլիական «Մանչեսթեր Յունայթեդի» ֆրանսիացի կիսապաշտպան Պոլ Պոգբան վստահ է, որ թիմը պորտուգալացի գլխավոր մարզիչ Ժոզե Մոուրինյոյի ղեկավարությամբ կվերադառնա այն մակարդակին, որն ունեցել է շոտլանդացի Ալեքս Ֆերգյուսոնի տարիներին։
«Ցանկանում եմ «Մանչեսթեր Յունայթեդին» տեսնել այնպիսին, ինչպիսին էր մի քանի տարի առաջ։ Վստահ եմ, որ մենք ճիշտ ուղու վրա ենք»,- Պոլ Պոգբայի խոսքը մեջբերում է ՈւԵՖԱ-ի մամուլի ծառայությունը։
«Մանչեսթեր Յունայթեդն» ամերիկյան շրջագայության վերջին խաղը կանցկացնի Վաշինգտոնում՝ International Champions Cup ընկերական մրցաշարում մրցելով «Բարսելոնայի» հետ: Հանդիպումը տեղի կունենա այս գիշեր (Երեւանի ժամանակով 03:30-ին):
Հետևեք NEWS.am SPORT-ին Facebook-ում, Twitter և Telegram-ում