Չեմպիոնների միջազգային գավաթի խաղարկությունում մրցել են Գերմանիայի չեմպիոն Մյունխենի «Բավարիան» ու Անգլիայի չեմպիոն Լոնդոնի «Չելսին»։
Սինգապուրում տեղի ունեցած խաղում 3։2 հաշվով առավելության է հասել իտալացի Կարլո Անչելոտիի գլխավորած թիմը։ Հաղթող թիմի կազմում դուբլի հեղինակ է դարձել Թոմաս Մյուլերը։ Մեկ անգամ էլ աչքի է ընկել Ռաֆինյան։ Իտալացի Անտոնիո Կոնտեի գլխավորած «Չելսին» պատասխանել է Մարկոս Ալոնսոյի եւ Միշի Բատշուայիի գոլերը։
63-րդ րոպեին «Չելսիի» կազմում փոխարինման է դուրս եկել թիմի նորեկ, Մադրիդի «Ռեալից» տեղափոխված իսպանացի հարձակվող Ալվարո Մորատան։
Չեմպիոնների միջազգային գավաթի խաղարկություն
«Բավարիա» - «Չելսի»՝ 3։2
Ռաֆինյա, 6, Թոմաս Մյուլեր, 12, 27 - Մարկոս Ալոնսո, 45+3, Միշի Բատշուայի, 86
Հետևեք NEWS.am SPORT-ին Facebook-ում, Twitter և Telegram-ում