Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյոն պատմել է, որ պաշտպաններ Լյուկ Շոուն, Մարկոս Ռոխոն ու կիսապաշտպան Էշլի Յանգը վնասվածքների պատճառով բաց են թողնելու նոր մրցաշրջանի սկզբնամասը:
«Նրանք չունեն Պրեմյեր լիգայի մեկնարկին մասնակցելու շանսեր: Շոուն պետք է վերականգնվի առաջինը, հետո՝ Յանգը, հետո՝ Ռոխոն: Շոուն պատրաստ կլինի սեպտեմբերին, Յանգը՝ հոկտեմբերին, իսկ Ռոխոն՝ դեկտեմբերին կամ հունվարին»,- պորտուգալացի մարզիչի խոսքը մեջբերում է ակումբի կայքը:
Հիշեցնենք, որ անգլիական ակումբը նոր մրցաշրջանի առաջին պաշտոնական խաղն անցկացնելու է օգոստոսի 8-ին՝ ՈւԵՖԱ-ի Սուպերգավաթում մրցելով Մադրիդի «Ռեալի» հետ: Անգլիայի 2017/18թթ. առաջնությունը մեկնարկելու է օգոստոսի 12-ին:
Հետևեք NEWS.am SPORT-ին Facebook-ում, Twitter և Telegram-ում