«Բարսելոնան» Նեյմարի պատճառով դադարեցրել է տրանսֆերային արշավը

«Բարսելոնան» դադարեցրել է տրանսֆերային արշավը, քանի դեռ չորոշվի, թե որտեղ է կարիերան շարունակելու բրազիլացի հարձակվող Նեյմարը: Վերջին օրերին խոսվում է, որ Բրազիլիայի հավաքականի 25-ամյա ֆուտբոլիստը մոտ է ֆրանսիական ՊՍԺ տեղափոխվելուն:

Եթե Նեյմարը որոշի մնալ «Բարսելոնայում», կատալոնական ակումբը կփորձի ձեռք բերել մեկ կիսապաշտպան եւ մեկ կենտրոնական պաշտպան: Եթե բրազիլացին հեռանա, թիմի տրասֆերային ծրագրերը կփոխվեն, փոխանցում է Sport.es-ը:

Ավելի վաղ նշվում էր, որ ՊՍԺ-ն պատրաստ է վճարել հարձակվողի պայմանագրում ամրագրված 222 միլիոն եվրո տրանսֆերային արժեքը, իսկ նրան առաջարկել 5-ամյա պայմանագիր՝ տարեկան 40 միլիոն եվրո աշխատավարձով: «Բարսելոնայի» նախագահ Խոսեպ Մարիա Բարտոմեուն էլ նշել էր, որ Նեյմարի տրանսֆերը հնարավոր է միայն ֆինանսական ֆեյր-փլեյի խախտումով:

Catalunya Radio-ի համաձայն՝ Նեյմարի տրանսֆերը պատրաստ է 95 տոկոսով:

Հետևեք NEWS.am SPORT-ին Facebook-ում, Twitter և Telegram-ում