ԱՄՆ-ում «Մանչեսթեր Յունայթեդի» հետ գտնվող Հայաստանի ազգային հավաքականի կիսապաշտպան Հենրիխ Մխիթարյանը պատասխանել է UNINTERRUPTED-ի ֆեյսբուքյան տեսաասուլիսի հարցերին:
«Եթե չլինեի ֆուտբոլիստ, հավանաբար, կդառնայի իրավաբան:
Իմ կուռքը միշտ եղել է Զինեդին Զիդանը, քանի որ նա լավագույններից մեկն է ֆուտբոլի պատմության մեջ: Երբեք նրա հետ չեմ առնչվել, բայց օգոստոսի 8-ին կհանդիպենք «Ռեալի» հետ Եվրոպայի Սուպերգավաթի խաղում:
Ես միշտ երազել էի խաղալ եվրոպական մեծ ակումբում, եւ այժմ իմ երազանքը դարձել է իրականություն: Եվ այժմ շատ ուրախ եմ, որ այստեղ եմ, շատ ուրախ եմ, որ ներկայացնում եմ հայ ազգը, իմ երկիրը: Ես շատ եմ աշխատում, որպեսզի կատարելագործեմ խաղս եւ ինձնով հպարտանան հայերը:
Մեր թիմը մեկ ընտանիքի նման է: Հրաշալի մթնոլորտ է թիմում: Բոլոր խաղացողների հետ լավ հարաբերություններ ունեմ»,- ասել է Մխիթարյանը:
Հետևեք NEWS.am SPORT-ին Facebook-ում, Twitter և Telegram-ում