Ռոջեր Ֆեդերերի հերթական տիտղոսը

Աշխարհի նախկին առաջին ռակետ Ռոջեր Ֆեդերերը 9-րդ անգամ նվաճեց թենիսի Հալեի մրցաշարի հաղթողի տիտղոսը:

Եզրափակիչում շվեյցարացի թենիսիստը 2 սեթում առավելության հասավ Գերմանիան ներկայացնող 20-ամյա Ալեքսանդր Զվերեւի նկատմամբ՝ 6:1, 6:3: Մրցախաղը տեւեց 53 րոպե:

Սա 35-ամյա Ֆեդերերի 92-րդ տիտղոսն էր կարիերայում: Հալեի մրցաշարի կիսաեզրափակիչում նա 6:4, 7:6 հաշվով հաղթել էր Ռուսաստանի առաջին ռակետ Կարեն Խաչանովին, որը առաջին անգամ էր խոտածածկով կորտերում հասել կիսաեզրափակիչ։

Աշխարհի 5-րդ ռակետ Ռոջեր Ֆեդերերը նախորդ տիտղոսը նվաճել էր այս տարվա հունվարին՝ 5-րդ անգամ հաղթելով Australian Open-ում: Դրանից հետո նա կորտ էր վերադարձել հունիսի 14-ին, սակայն Շտուտգարտի մրցաշարի մեկնարկային մրցախաղում պարտվել էր գերմանացի Թոմի Հասին:

Հետևեք NEWS.am SPORT-ին Facebook-ում, Twitter և Telegram-ում