Ֆրանսիայի չեմպիոն «Մոնակոյի» հարձակվող Կիլիան Մբապեն ցանկանում է կարիերան շարունակել Մադրիդի «Ռեալում»: Այդ մասին նա հայտնել է երկու ակումբների ներկայացուցիչներին:
«Ես կտեղափոխվեմ «Ռեալ» կամ ոչ մի տեղ էլ չեմ տեղափոխվի»,- Մբապեի խոսքը մեջբերում է Marca-ն:
Սակայն ֆուտբոլիստն առայժմ չի որոշել, թե երբ է հեռանալու «Մոնակոյից»: «Ռեալի» ֆրանսիացի գլխավոր մարզիչ Զինեդին Զիդանը նախընտրում է պայմանագիր կնքել Մբապեի հետ, սակայն եւս մեկ մրցաշրջան թողնել «Մոնակոյում», որտեղ Ֆրանսիայի հավաքականի 18-ամյա հարձակվողն ունի մշտական խաղաժամանակ, իսկ «Ռեալում» կարող է մնալ պահեստայինների նստարանին:
Հետևեք NEWS.am SPORT-ին Facebook-ում, Twitter և Telegram-ում