Jelena Ostapenko lifts her first tour level title - The Coupe Suzanne Lenglen
— Roland-Garros (@rolandgarros) June 10, 2017
Jelena Ostapenko soulève la Coupe Suzanne Lenglen ! #RG17 pic.twitter.com/C6X0hnOjAi
Թենիսի Ֆրանսիայի բաց առաջնության կանանց մենախաղի մրցաշարն ավարտվեց լատվիացի Ելենա Օստապենկոյի սենսացիոն հաղթանակով:
Հունիսի 8-ին 20 տարեկան դարձած Օստապենկոն եզրափակիչում 3 սեթում հաղթեց աշխարհի չորրորդ ռակետ, ռումինացի Սիմոնա Հալեպին՝ 4:6, 6:4, 6:3: Մրցախաղը տեւեց 2 ժամ:
Առաջին սեթում 6:4 հաշվով հաղթեց Հալեպը, որը երկրորդ սեթում հաշվի մեջ առջեւում էր 3:0 հաշվով: Սակայն աշխարհի 47-րդ ռակետ Օստապենկոն տպավորիչ «քամբեք» կատարեց (6:4), իսկ երրորդ սեթում առավելության հասավ 6:3 հաշվով:
Սա լատվիացի թենիսիստուհու առաջին տիտղոսն է «Մեծ սաղավարտի» մրցաշարերում, որոնցում նա երբեք չէր հաղթահարել երրորդ շրջանի արգելքը: Սիմոնա Հալեպը երկրորդ անգամ խաղաց «Մեծ սաղավարտի» մրցաշարերի եզրափակիչում, սակայն առաջին տիտղոսը նվաճել չհաջողվեց:
Հետևեք NEWS.am SPORT-ին Facebook-ում, Twitter և Telegram-ում