«Բարսելոնայի» արգենտինացի հարձակվող Լիոնել Մեսին չի ցանկանում տեղափոխվել այլ ակումբ:
«Ես հաճույքով կարիերաս կավարտեի «Բարսելոնայում»: Դա այն է, ինչ ես միշտ ցանկացել եմ եւ երազել եմ»,- Մեսիի խոսքը մեջբերում է ESPN-ը:
Ավելի վաղ հայտնի էր դարձել, որ «Բարսելոնան» ու Լիոնել Մեսին համաձայնության են հասել նոր պայմանագրի վերաբերյալ: Արգենտինացի հարձակվողի ամրագրված տրանսֆերային արժեքը 250 միլիոն եվրոյից կդառնա 400 միլիոն եվրո: Պայմանագիրը նախատեսված կլինի երեք տարով, եւս մեկ տարով երկարաձգման հնարավորությամբ:
Մեսիի գործող պայմանագիրն ավարտվում է 2018 թվականի ամռանը:
Իսպանիայի ավարտված առաջնության 34 հանդիպումներում Մեսին խփել է 37 գոլ, կատարել 10 գոլային փոխանցում: Չեմպիոնների լիգայի 9 հանդիպումներում նա դարձել է 11 գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում