Թենիսի Ֆրանսիայի բաց առաջնության երրորդ շրջանում աշխարհի երկրորդ ռակետ Նովակ Ջոկովիչը մրցել է արգենտինացի Դիեգո Շվարցմանի հետ: Սերբ թենիսիստն առավելության է հասել հինգ սեթում՝ 5:7, 6:3, 3:6, 6:1, 6:1: Պայքարը տեւել է 3 ժամ 18 րոպե: Ջոկովիչի հաջորդ մրցակիցը կլինի իսպանացի Ալբերտ Ռամոս-Վինյոլասը:
Չորրորդ շրջան է դուրս եկել նաեւ այս մրցաշարի 9-ակի հաղթող Ռաֆայել Նադալը: Չորրորդ ռակետը ոչ մի շանս չի տվել վրացի Նիկոլոզ Բասիլաշվիլուն՝ 6:0, 6:1, 6:0: Հանդիպումը տեւել է 1 ժամ 30 րոպե: Իսպանացի մարզիկը հաջորդ փուլում կխաղա հայրենակից Ռոբերտո Բաուտիստա Ագուտի հետ:
Հաջորդ երկու փուլերում դուրս չմնալու դեպքում, Նադալն ու Ջոկովիչը կհանդիպեն կիսաեզրափակիչում:
Հետևեք NEWS.am SPORT-ին Facebook-ում, Twitter և Telegram-ում