Ավարտվեց ֆուտբոլի Իտալիայի առաջնությունը: «Ինտերը» վերջին տուրում 5:1 հաշվով հաղթեց «Ուդինեզեին» եւ 62 միավորով գրավեց 7-րդ տեղը՝ մնալով առանց եվրագավաթների:
Հիշեցնենք, որ այս տարի Իտալիայի չեմպիոնի տիտղոսը պաշտպանել էր Թուրինի «Յուվենտուսը», իսկ «Ռոման» գրավել էր երկրորդ տեղը: «Յուվենտուսը» եւ «Ռոման» նվաճել են Չեմպիոնների լիգայի խմբային փուլի ուղեգիր, իսկ երրորդ տեղը գրաված «Նապոլին» ուժերը կփորձի այդ մցրաշարի որակավորման փուլից:
Չորրորդ տեղը գրաված «Ատալանտան» ու լավագույն հնգյակը եզրափակած «Լացիոն» նվաճել են Եվրոպայի լիգայի խմբային փուլի ուղեգիր, իսկ «Միլանը»՝ որակավորման: Այս տարի A Սերիայից դուրս մնացին «Էմպոլին», «Պալերմոն» ու «Պեսկարան»: 17-րդ տեղ բարձրացած «Կրոտոնեն» վերջին տուրում հաղթեց «Լացիոյին» եւ շրջանցեց «Էմպոլիին», որը պարտվեց «Պալերմոյին»:
Իտալիայի առաջնության լավագույն ռմբակու դարձավ Հռոմի «Ռոմայի» բոսնիացի հարձակվող Էդին Ջեկոն, որը խփեց 29 գոլ: Ռմբարկուների ցուցակում երկրորդ տեղում հայտնվեց «Նապոլիի» բելգիացի հարձակվող Դրիս Մերտենսը, որը դարձավ 28 գոլի հեղինակ:
Իտալիայի առաջնություն, 38-րդ տուր
«Ինտեր» - «Ուդինեզե»՝ 5:2
Էդեր, 5, 54, Իվան Պերիշիչ, 18, Մարսելո Բրոզովիչ, 36, Գաբրիլելե Անջելա, 78 (ինքնագոլ) – Անդրեա Բալիչ, 76, Դուվան Զապատա, 90+3
«Կրոտոնե» - «Լացիո»՝ 3:1
Անդրեա Նալինի, 14, 60, Դիեգո Ֆելչինելի, 22 – Չիրո Իմոբիլե, 26 (11մ)
Հեռացում՝ Բաստոս, 42 («Լացիո»)
«Ֆիորենտինա» - «Պեսկարա»՝ 2:2
Ռիկարդո Սապոնարա, 66, Մատիաս Վեսինո, 85 – Ջանլուկա Կապրարաի, 15, Ժան-Կրիստոֆ Բահեբեկ, 65
Հեռացում՝ Ֆեդերիկո Չիեսա, 38 («Ֆիորենտինա»)
«Պալերմո» - «Էմպոլի»՝ 2:1
Իլյա Նեստորովսկի, 76, Բրունո Էնրիկե, 84 – Ռադե Կրունիչ, 87
Հետևեք NEWS.am SPORT-ին Facebook-ում, Twitter և Telegram-ում
01:39 , 24 ապրիլի 
01:01 , 24 ապրիլի 
00:54 , 24 ապրիլի 
23:09 , 23 ապրիլի 
22:35 , 23 ապրիլի 
22:11 , 23 ապրիլի 
21:39 , 23 ապրիլի 
20:56 , 23 ապրիլի 
20:33 , 23 ապրիլի 
20:02 , 23 ապրիլի 
