«Ենիսեյը» Արթուր Սարկիսովի ու Արթուր Մալոյանի հետ չկարողացավ նվաճել Պրեմյեր լիգայի ուղեգիր

Ֆուտբոլի Ռուսաստանի Պրեմյեր լիգայի ուղեգրի համար անցումային փուլի պատասխան խաղում Կրասնոյարսկի «Ենիսեյը» հյուրընկալվելիս նվազագույն հաշվով պարտվել է Տուլայի «Արսենալին»: Առաջին խաղում 2:1 հաշվով հաղթել էր «Ենիսեյը»: Դիմակայությունում գրանցվեց 2:2 հաշիվը, եւ Տուլայի թիմը Պրեմյեր լիգայում տեղը պահպանեց արտագնա խաղում խփած գոլի շնորհիվ:

Հայաստանի հավաքականի հարձակվող Արթուր Սարկիսովը «Ենիսեյի» կազմում փոխարինման է դուրս եկել 52-րդ րոպեին, իսկ Արթուր Մալոյանը՝ 79-րդ րոպեին: Կրասնոյարսկի թիմը կշարունակի հանդես գալ Ռուսաստանի առաջին դիվիզիոնում:

Հետևեք NEWS.am SPORT-ին Facebook-ում, Twitter և Telegram-ում