Իսպանական «Սեւիլիայի» գլխավոր մարզիչ Խորխե Սամպաոլին կզբաղեցնի Արգենտինայի ազգային հավաքականի գլխավոր մարզիչ պաշտոնը: Այդ մասին հաղորդում է Ագենտինայի ֆուտբոլային ասոցիացիայի պաշտոնական թվիթերյան էջը՝ նշելով, որ սկզբունքային համաձայնության են հասել «Սեւիլիայի» հետ:
Սպասվում է, որ բոլոր փաստաթղթերը կստորագրվեն հունիսի 1-ին: Գործարքի ֆինանսական տվյալները չեն հրապարակվում, սակայն իսպանական մամուլը գրել է, որ «Սեւիլիան» կստանա 1.5 միլիոն եվրոյի փոխհատուցում:
57-ամյա մասնագետը 2016-ին էր գլխավորել «Սեւիլիան», որն Իսպանիայի առաջնությունում գրավեց չորրորդ տեղ:
2015-ին Չիլիի հավաքականը Սամպաոլիի ղեկավարությամբ նվաճել է Ամերիկայի գավաթը:
Հետևեք NEWS.am SPORT-ին Facebook-ում, Twitter և Telegram-ում