«Մանչեսթեր Յունայթեդի» եւ Անգլիայի հավաքականի նախկին հարձակվող Մայքլ Օուենն արժանին է մատուցել Հայաստանի հավաքականի կիսապաշտպան Հենրիխ Մխիթարյանին Եվրոպայի լիգայի եզրափակիչում «Այաքսի» դարպասը խփած առաջին գոլի դրվագում: Մխիթարյանն իր հետեւից է տարել պաշտպանին, եւ դրա շնորհիվ ազատ տարածություն է ստացել ֆրանսիացի կիսապաշտպան Պոլ Պոգբան, որի հարվածից հետո անդրադարձի պատճառով գնդակը հայտնվեց դարպասում:
«Տեսեք, թե ինչպես է Մխիթարյանն իր հետեւից տանում Ջոել Վելտմանին եւ ազատ տարածություն ստեղծում Պոգբայի համար: Եթե Հենրիխն այդ պահին չպոկվեր տեղից, գոլային իրավիճակ չէր ստեղծվի: Այդ ամենը բարձր պրեսինգի առավելություններն են»,- Օուենի խոսքը մեջբերում է Express-ը:
Հիշեցնենք, որ Պոգբայի եւ Մխիթարյանի գոլերի շնորհիվ Մոուրինյոյի գլխավորած թիմը հաղթել է 2:0 հաշվով: Հայ ֆուտբոլիստը 6 գոլով դարձել է «Մանչեսթեր Յունայթեդի» լավագույն ռմբարկուն Եվրոպայի լիգայի ավարտված մրցաշրջանում:
Հետևեք NEWS.am SPORT-ին Facebook-ում, Twitter և Telegram-ում
01:00 , 17 ապրիլի 
23:55 , 16 ապրիլի 
23:35 , 16 ապրիլի 
22:07 , 16 ապրիլի 
21:57 , 16 ապրիլի 
21:12 , 16 ապրիլի 
20:44 , 16 ապրիլի 
20:29 , 16 ապրիլի 
19:20 , 16 ապրիլի 
18:46 , 16 ապրիլի 
