«Լեոն»՝ ֆուտզալի Հայաստանի չեմպիոն

Երեւանի «Դինամո» մարզադահլիճում տեղի է ունեցել ֆուտզալի Հայաստանի առաջնության եզրափակիչ երրորդ հանդիպումը «Լեոյի» եւ «Չարբախի» միջեւ: Առաջին խաղակեսն ավարտվել է 5:2 հաշվով՝ հօգուտ «Լեոյի»: Երկրորդ խաղակեսում ամեն ինչ փոխվել է, եւ արդեն «Չարբախի» ֆուտբոլիստները տիրել են նախաձեռնությանը: Չարբախցիները կարողացել են 5 անգամ անընդմեջ գրավել մրցակցի դարպասը՝ հաշիվը դարձնելով 5:7: «Լեոյի» մարզիչները դարպասապահի փոխարեն խաղահրապարակ են դուրս բերել 5-րդ խաղացողի, որի շնորհիվ էլ հանդիպման վերջին րոպեներին կարողացան փրկել խաղը, հաղորդում է ՀՖՖ մամուլի ծառայությունը (ffa.am): Հիմնական ժամանակն ավարտվել է ոչ-ոքի՝ 7:7 հաշվով: Հետխաղյա 6-մետրանոցներով «Լեոն» հաղթել է 3:2 հաշվով եւ առաջին անգամ դարձել Հայաստանի չեմպիոն: 

Հետևեք NEWS.am SPORT-ին Facebook-ում, Twitter և Telegram-ում