Եվրոպայի լիգայի նորընծա գավաթակիր «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը թվիթերյան գրառումով մեկնաբանել է հաղթանակը Ստոկհոլմում:
«Չափազանց ուրախ եմ այս հաղթանակին: Այս գավաթը նվիրում եմ ընտանիքիս, Մանչեսթերին, բոլոր հայերին»,- գրել է հայ ֆուտբոլիստը:
Հիշեցնենք, որ եզրափակիչում պորտուգալացի Ժոզե Մոուրինյոյի գլխավորած թիմը հիմնական ժամանակում 2:0 հաշվով հաղթել է Ամստերդամի «Այաքսին»: Գոլերը խփել են ֆրանսիացի Պոլ Պոգբան եւ Հենրիխ Մխիթարյանը:
Հետևեք NEWS.am SPORT-ին Facebook-ում, Twitter և Telegram-ում