«Մանչեսթեր Յունայթեդի» կիսապաշտպան Հենրիխ Մխիթարյանն անգլիական ակումբի կազմում Եվրոպայի լիգայի գավաթակիր դառնալուց հետո կիսվել է տպավորություններով: Հայաստնաի հավաքականի ավագի գոլի օգնությամբ անգլիական ակումբը եզրափակիչում 2:0 հաշվով հաղթեց Ամստերդամի «Այաքսին» եւ նվաճեց Չեմպիոնների լիգայի խմբային փուլի ուղեգիր:
«Մանչեսթեր Յունայթեդում» անցկացրած առաջին մրցաշրջանում խփեցի 11 գոլ, ինչի համար շնորհակալ եմ թիմակիցներիս: Առանց նրանց չէի կարող այսքան գոլ խփել: Ավելի երջանիկ եմ, որ գոլ խփեցի եզրափակիչում: Բոլորն անդադար ասում էին, որ պետք է անեմ դա: «Սելտայի» դեմ կիսաեզրափակիչի պատասխան խաղից հետո ամեն օր երազում էի եզրափակիչում գոլի հեղինակ դառնալում մասին: Եվ ես արեցի դա թիմակիցներիս շնորհիվ:
Շատ երջանիկ եմ ու ոգեւորված: Ասելու շատ բան չունեմ, շատ հաճելի պահ է հիմա:
Մենք պայքարում էինք Պրեմյեր լիգայում եւ Եվրոպայի լիգայում: Պրեմյեր լիգայում չկարողացանք նվաճել Չեմպիոնների լիգայի ուղեգիր, բայց Եվրոպայի լիգայում ներդրեցինք բոլոր ուժերը, որպեսզի հաջորդ մրցաշրջանում խաղանք Չեմպիոնների լիգայում»,- Մխիթարյանի խոսքը մեջբերում է BT Sport-ը:
Հիշեցնեենք, որ Հենրիխ Մխիթարյանը 6 գոլով դարձավ «Մանչեսթեր Յունայթեդի» լավագույն ռմբարկուն Եվրոպայի լիգայի այս մրցաշարում: Ստոքհոլմի «Ֆրենդս Արենա» ստադիոնում կայացած պարգեւատրության արարողությունից հետո հայ կիսապաշտպանը հայկական եռագույնով շրջում էր խաղադաշտում եւ թիմակիցների հետ տոնում հաղթանակը:
Հետևեք NEWS.am SPORT-ին Facebook-ում, Twitter և Telegram-ում
16:45 , 25 ապրիլի 
15:28 , 25 ապրիլի 
14:20 , 25 ապրիլի 
13:56 , 25 ապրիլի 
13:15 , 25 ապրիլի 
12:30 , 25 ապրիլի 
11:19 , 25 ապրիլի 
10:40 , 25 ապրիլի 
10:02 , 25 ապրիլի 
09:33 , 25 ապրիլի 
