Շվեդիայի մայրաքաղաք Ստոկհոլմում մայիսի 24-ին կայանալիք Եվրոպայի լիգայի եզրափակիչի հանդիսավոր արարողությունը կլինի առանց շոուի Մանչեսթերում տեղի ունեցած ահաբեկչության պատճառով: Այդ մասին հայտարարել է ՈւԵՖԱ-ի նախագահ Ալեքսանդր Չեֆերինը:
«Լիարժեք շոու չի լինի: Այժմ տոնելու ժամանակը չէ: Պետք է դրսեւորել հարգանք եւ համերաշխություն: Սակայն եզրափակիչ հանդիպումը հետաձգելու հարց չի քննարկվել: Մենք վստահ ենք, որ այդ նենգ գրոհները չպետք է խանգարեն խաղալ ֆուտբոլ: Իրավիճակը միշտ էլ լարված է եղել, սակայն մենք վստահ ենք, որ խաղի ժամանակ ամեն ինչ լավ կլինի»,- Չեֆերինի խոսքը մեջբերում է ՈւԵՖԱ-ի կայքը:
Հիշեցնենք, որ Եվրոպայի լիգայի եզրափակիչում կմրցեն անգլիական «Մանչեսթեր Յունայթեդն» ու հոլանդական «Այաքսը»: Հանդիպումը կմեկնարկի Երեւանի ժամանակով 22:45-ին:
Հետևեք NEWS.am SPORT-ին Facebook-ում, Twitter և Telegram-ում