Իսպանացի մասնագետ Էռնեստո Վալվերդեն հեռանում է Բիլբաոյի «Աթլետիկի» գլխավոր մարզիչի պաշտոնից, հայտնում է ակումբի կայքը:
Մայիսի 24-ին կայանալիք ասուլիսում 53-ամյա մարզիչը կխոսի այդ որոշման մասին:
Իսպանական մամուլի համաձայն՝ Էռնեստո Վալվերդեն գլխավորելու է «Բարսելոնան», որի հետ պայմանագիր է կնքելու «2+1» ձեւաչափով: Նշվում է, որ կատալոնական թիմի գլխավոր մարզիչի պաշտոնում նա նշանակվելու է մայիսի 29-ին, երբ տեղի կունենա ակումբի տնօրենների խորհրդի նիստը: Վալվերդեն 2013-ից էր գլխավորում «Աթլետիկը»:
Հիշեցնենք, որ «Բարսելոնայի» գլխավոր մարզիչ Լուիս Էնրիկեն հեռանալու է այս մրցաշրջանի վերջում:
Հետևեք NEWS.am SPORT-ին Facebook-ում, Twitter և Telegram-ում