Լեբրոն Ջեյմսը չի ընդգրկվել մրցաշրջանի ամենաարդյունավետ խաղացողի թեկնածուների թվում

Բասկետբոլի ազգային ասոցիացիան (NBA) ներկայացրել է այս մրցաշրջանի լավագույն խաղացողների թեկնածուների անունները:

NBA-ի գործող չեմպիոն «Քլիվլենդի» առաջատար Լեբրոն Ջեյմսը չի ընդգրկվել մրցաշրջանի ամենաարդյունավետ խաղացողի 3 թեկնածուների թվում: Մրցանակի համար կպայքարեն Ռասել Ուեստբրուկը («Օկլահոմա»), Ջեյմս Հարդենը («Հյուսթոն») եւ Կավայ Լեոնարդը («Սան Անտոնիո»): Հաղթողի անունը հայտնի կդառնա հունիսի 26-ին կայանալիք մրցանակաբաշխությունում:

Մրցաշրջանի MVP. Ռասել Ուեստբրուկ («Օկլահոմա»), Ջեյմս Հարդեն («Հյուսթոն»), Կավայ Լեոնարդ («Սան Անտոնիո»):

Լավագույն պաշտպանողական խաղացող. Կավայ Լեոնարդ («Սան Անտոնիո»), Դրեյմոնդ Գրին («Գոլդեն Սթեյտ»), Ռուդի Գոբեր («Յուտա»):

Տարվա մարզիչ. Գրեգ Պոպովիչ («Սան Անտոնիո»), Մայք Դ՛Անտոնի («Հյուսթոն»), Էրիկ Սպոելստրա («Մայամի»):

Տարվա նորեկ. Ջոել Էմբիդ («Ֆիլադելֆիա»), Դարիո Շարիչ («Ֆիլադելֆիա»), Մալկոլմ Բրոգդան («Միլուոկի»):

Ամենաառաջադիմող խաղացող. Նիկոլա Յոկիչ («Դենվեր»), Յաննիս Ադետոկումբո («Միլուոկի»), Ռուդի Գոբեր («Յուտա»):

Լավագույն 6-րդ խաղացող. Էրիկ Գորդոն («Հյուսթոն»), Լու Ուիլյամս («Հյուսթոն»), Անդրե Իգոուդալա («Գոլդեն Սթեյտ»):

Հիշեցնենք, որ ավելի վաղ ներկայացվել էին նաեւ մրցաշրջանի խորդհրդանշական հնգյակները, որոնք կազմվել էին լրագրողների քվեարկության արդյունքում:

Հետևեք NEWS.am SPORT-ին Facebook-ում, Twitter և Telegram-ում