Պրոֆեսիոնալ բռնցքամարտի գերծանր քաշային կարգում WBA, IBO եւ IBF վարկածներով աշխարհի չեմպիոն Էնթոնի Ջոշուան ներկա է եղել «Մանչեսթեր Յունայթեդի» մարզմանը:
Բրիտանացի 27-ամյա բռնցքամարտիկը լուսանկարվել է անգլիական ակումբի ֆուտբոլիստների հետ եւ թեթեւ մարզում անցկացրել գնդակով:
«Մանչեսթեր Յունայթեդը» պատրաստվում է «Տոտենհեմի» դեմ Անգլիայի առաջնության 37-րդ տուրի խաղին, որը կկայանա մայիսի 14-ին Լոնդոնում եւ կսկսվի Երեւանի ժամանակով 19:30-ին:
Հիշեցնենք, որ Էնթոնի Ջոշուան ապրիլի 29-ին տեխնիկական նոկաուտով հաղթել էր աշխարհի նախկին չեմպիոն Վլադիմիր Կլիչկոյին:
Հետևեք NEWS.am SPORT-ին Facebook-ում, Twitter և Telegram-ում