«Մոնակոյի» եւ Ֆրանսիայի հավաքականի հարձակվող Կիլիան Մբապեն որոշել է կարիերան շարունակել Մադրիդի «Ռեալում», հաղորդում է իսպանական Marca-ն: 18-ամյա ֆուտբոլիստի ծառայություններով հետաքրքրվում էր նաեւ անգլիական «Մանչեսթեր Յունայթեդը», որը նրա տրանսֆերի համար առաջարկել է 85 միլիոն եվրո, սակայն «Մոնակոն» Մբապեի վերաբերյալ քննարկում է միայն 100 միլիոն եվրոյից սկսվող առաջարկները:
Մբապեին Արքայական թիմի կազմում տեսնելու ցանկություն ունի ֆրանսիացի գլխավոր մարզիչ Զինեդին Զիդանը, ինչը որոշիչ գործոն է եղել ֆուտբոլիստի ընտրությունում:
Մբապեի պայմանագիրը «Մոնակոյի» հետ նախատեսված է մինչեւ 2019 թվականը:
Հետևեք NEWS.am SPORT-ին Facebook-ում, Twitter և Telegram-ում