Նույնիսկ, մեծագույն իսպանական ակումբների համար շատ բարդ կլիներ պայքարել Անգլիայի չեմպիոնի կոչման համար, ասել է «Լիվերպուլի» գերմանացի գլխավոր մարզիչ Յուրգեն Կլոպը:
«Իհարկե, «Ռեալն» ու «Բարսելոնան» Անգլիայում եւս կպայքարեին բոլոր տիտղոսների համար, բայց նրանց համար եւս շատ բարդ կլիներ: Պրեմյեր լիգայում ոչինչ կանխորոշված չէ: Ինտենսիվությունը շատ բարձր է, եւ շատ անակնկալներ կարող են տեղի ունենալ: Չկա մի խաղ, որի ժամանակ կարող ես հանգիստ տալ հիմնական կազմի խաղացողների եւ առանց դժվարության հաղթես: Դա հնարավոր չէ նաեւ Բունդեսլիգայում, եթե քո ակումբը «Բավարիան» չէ:
«Չելսին» գերազանց մրցաշրջան է անցկացնում, բայց եղել են շատ հանդիպումներ, որտեղ հաղթել է 1:0 հաշվով եւ պաշտպանվել է մինչեւ վերջին վայրկյանը: Ես ունեմ նաեւ Բունդեսլիգայի փորձ: Նույնը կասի նաեւ Գվարդիոլան, որ Անգլիայում շատ բարդ է»,- Կլոպի խոսքը մեջբերում է ESPN-ը:
Անգլիայի առաջնության ավարտից չորս տուր առաջ «Լիվերպուլը» 66 միավորով երրորդ տեղում է:
Հետևեք NEWS.am SPORT-ին Facebook-ում, Twitter և Telegram-ում