Գերմանական Der Spiegel-ը հրապարակել է Մադրիդի «Ռեալի» պորտուգալացի հարձակվող Կրիշտիանու Ռոնալդուի ստորագրությամբ փաստաթղթեր, որոնք ապացուցում են 375 հազար դոլարի փոխանցումներ անհայտ մի կնոջ: Պարբերականը գրել էր, որ 2010թ. հունվարին Ռոնալդուն ԱՄՆ-ում մի կնոջ գումար է վճարել, որպեսզի նա չներկայացնի սեռական բռնության մասին մեղադրանքներ: Այդ հրապարակումից հետո Ռոնալդուի ներկայացուցիչները հայտարարել էին, որ հնարավոր բոլոր միջոցներով պայքարելու են Der Spiegel-ի դեմ, որ զրպարտել է ֆուտբոլիստին՝ չներկայացնելով որեւէ ապացույց:
Der Spiegel-ը հրապարակել է ֆուտբոլիստի եւ նրա խորհրդական Օսորիո դե Կաստրոյի նամակագրությունը, որը տուժած կնոջ լռության դիմաց 950 հազար դոլար վճարելու մասին է: Հետագայում միջնորդը պայմանավորվել է 260 հազար դոլարի վերաբերյալ, գումարած փաստաբանի ծառայության վճարները:
Հետևեք NEWS.am SPORT-ին Facebook-ում, Twitter և Telegram-ում