Լոնդոնի «Արսենալը» դարձավ ֆուտբոլի Անգլիայի գավաթի խաղարկության եզրափակիչի երկրորդ մասնակիցը եւ տիտղոսը կվիճարկի «Չելսիի» հետ:
Լոնդոնի «Ուեմբլի» ստադիոնում կայացած կիսաեզրափակիչում Արսեն Վենգերի թիմը լրացուցիչ ժամանակում 2:1 հաշվով հաղթեց «Մանչեսթեր Սիթիին»: Լոնդոնյան ակումբի հաղթական գոլը 101-րդ րոպեին խփեց չիլիացի հարձակվող Ալեքսիս Սանչեսը:
Հիշեցնենք, որ մյուս կիսաեզրափակիչում «Չելսին» 4:2 հաշվով հաղթել էր «Տոտենհեմին»:
Անգլիայի Գավաթի գործող հաղթողը «Մանչեսթեր Յունայթեդն» է: Եզրափակիչը տեղի կունենա մայիսի 27-ին «Ուեմբլիում»:
Անգլիայի Գավաթ, կիսաեզրափակիչ
«Արսենալ» - «Մանչեսթեր Սիթի»՝ 2:1
Նաչո Մոնրեալ, 71, Ալեքսիս Սանչես, 101 – Սերխիո Ագուերո, 62
Հետևեք NEWS.am SPORT-ին Facebook-ում, Twitter և Telegram-ում