Ֆուտբոլի Չեմպիոնների լիգայի քառորդ եզրափակիչի առաջին խաղում Մյունխենի «Բավարիան» ընդունեց Մադրիդի «Ռեալին» եւ պարտություն կրեց 1:2 հաշվով:
25-րդ րոպեին անկյունայինի խաղարկումից հետո աչքի ընկավ չիլիացի կիսապաշտպան Արտուրո Վիդալը, որը վերջին րոպեին վրիպեց 11 մետրանոցից:
Երկրորդ խաղակեսում Արքայական թիմը պորտուգալացի հարձակվող Կրիշտիանու Ռոնալդուի գոլի շնորհիվ հավասարեցրեց հաշիվը: 61-րդ րոպեին «Ռեալի» առաջատարի դեմ խախտման համար երկրորդ դեղին քարտը ստացավ եւ հեռացվեց «Բավարիայի» իսպանացի կիսապաշտպան Խավի Մարտինեսը:
Զինեդին Զիդանի գլխավորած թիմն օգտագործեց թվային առավելությունը: Երկրորդ անգամ Մանուել Նոյերի պաշտպանած դարպասը գրավեց Ռոնալդուն:
Մադրիդի «Աթլետիկոն» տանը նվազագույն հաշվով հաղթեց Անգլիայի չեմպիոն «Լեսթեր Սիթիին»: Առաջին խաղակեսում 11 մետրանոցը դիպուկ իրացրեց իսպանական թիմի ֆրանսիացի հարձակվող Անտուան Գրիզմանը:
Չեմպիոնների լիգա, քառորդ եզրափակիչ, առաջին հանդիպում
«Բավարիա Մյունխեն» - «Ռեալ Մադրիդ»՝ 1:2
Արտուրո Վիդալ, 25 - Կրիշտիանու Ռոնալդու, 47, 77
Հեռացում՝ Խավի Մարտինես («Բավարիա»), 61, երկրորդ դեղին քարտ
Չիրացրած 11մ՝ Վիդալ, 45
«Աթլետիկո Մադրիդ» - «Լեսթեր Սիթի»՝ 1:0
Անտուան Գրիզման, 28, 11մ
Հետևեք NEWS.am SPORT-ին Facebook-ում, Twitter և Telegram-ում