Տաթեւ Հակոբյանը Հայաստանին երկրորդ բրոնզե մեդալը պարգեւեց Խորվաթիայի Սպլիտ քաղաքում ավարտին մոտեցող ծանրամարտի Եվրոպայի առաջնությունում:
Կանանց 90 կգ քաշային կարգում Հակոբյանը երկամարտում հավաքեց 230 կգ (105+125): Եվրոպայի չեմպիոն դարձավ ռուս Դիանա Մստիեւան, որը երկամարտում գրանցեց 241 կգ եւ մեկ կգ գերազանցեց երկրորդ տեղը գրաված ուկրաինացի Վալենտինա Կիսիլին:
Ապրիլի 7-ին Հայաստանի ներկայացուցիչներից պայքարի մեջ մտավ նաեւ Կարուշ Ղուկասյանը, որը հանդես եկավ 94 կգ քաշային կարգի B խմբում եւ երկամարտի 360 կգ (160+200) արդյունքով գրանցեց երրորդ արդյունքը:
Նախօրեին Եվրոպայի առաջնության բրոնզե մեդալակիր էր դարձել նաեւ 75 կգ քաշային Սոնա Պողոսյանը:
Ապրիլի 8-ին մրցահարթակ դուրս կգան 105 կգ քաշայիններ Սիմոն Մարտիրոսյանն ու Սամվել Գասպարյան եւ գերծանր քաշայիններ Գոռ Մինասյանը եւ Ռուբեն Ալեքսանյանը:
Հետևեք NEWS.am SPORT-ին Facebook-ում, Twitter և Telegram-ում