Ֆուտբոլի Հայաստանի Բարձրագույն խմբի 21-րդ տուրի մեկնարկային խաղում առաջատար «Ալաշկերտն» ընդունեց «Գանձասար-Կապանին» եւ պարտվեց 1։2 հաշվով: Կապանցիների առաջին գոլը խփեց Գեղամ Հարությունյանը, որն 9 գոլով հավասարվեց ռմբարկուների ցուցակը գլխավորող Միհրան Մանասյանին («Ալաշկերտ»)։
Սա «Ալաշկերտի» առաջին խաղն էր Աբրահամ Խաշմանյանի՝ թիմի գլխավոր մարզիչի պաշտոնին վերադառնալուց հետո։
Այս հաղթանակից հետո «Գանձասար-Կապանը» հավաքեց 39 միավոր եւ հավասարվեց «Ալաշկերտին»։ Երրորդ տեղ նահանջած Գյումրիի «Շիրակն» ունի 37 միավոր եւ մեկ խաղ պակաս է անցկացրել:
Հայաստանի առաջնություն, 21-րդ տուր
Մարտի 30
«Ալաշկերտ» - «Գանձասար-Կապան»՝ 1։2
Դանիել Ստոյկովիչ, 63 - Գեղամ Հարությունյան, 45, Վալմերսոն, 71
Մարտի 31
«Բանանց» - «Արարատ»՝ 15:00
Ապրիլի 1
«Շիրակ» - «Փյունիկ»՝ 15:00
Ֆոտո՝ «Գանձասար-Կապանի» մամուլի ծառայություն
Հետևեք NEWS.am SPORT-ին Facebook-ում, Twitter և Telegram-ում