Ֆուտբոլի Ղազախստանի հավաքականի կիսապաշտպան Ազատ Նուրգալիեւը մեկնաբանել է աշխարհի առաջնության ընտրական խաղում Հայաստանի թիմից 0:2 հաշվով կրած պարտությունը, ինչպես նաեւ անդրադարձել է Ղազախստանի թիմի ինքնաթիռի արտակարգ վայրէջքին «Զվարթնոց» օդանավակայանում:
«Հանդիպումը հաջող էր սկսվել մեզ համար: Մեր թիմն ամբողջությամբ վերահսկում էր խաղի ընթացքը: Տղաներն ամբողջ ուժը ներդրել էին հաղթանակի համար, սակայն հետո տեղի ունեցավ հեռացումը: Մենք շարունակեցինք խաղալ, թեեւ դա շատ բարդ էր: Պաշտպանությունում թույլ տվեցինք սխալներ, որոնք անդրադարձան խաղի արդյունքի վրա: Ցանկանում եմ թիմի անունից ներողություն խնդրել երկրպագուներից: Հաջորդ խաղերում ազգային թիմը կփորձի հաղթել:
Ինչ վերաբերում է ինքնաթիռի արտակարգ վայրէջքին, իհարկե, դա հաճելի չէր՝ հատկապես հասկանալով, որ մեր հարազատներն անհանգստանում են մեզ համար: Սակայն հիմա ամեն բան լավ է, եւ մենք Ղազախստան կվերադառնանք այլ ինքնաթիռով»,- Ազատ Նուրգալիեւի խոսքը մեջբերում է Ղազախստանի ֆուտբոլի ֆեդերացիայի մամուլի ծառայությունը:
Հիշեցնենք, որ Ղազախստանի հավաքականը Երեւանից Աստանա է վերադառնալու մարտի 27-ին՝ ժամը 16:00-ին:
Հետևեք NEWS.am SPORT-ին Facebook-ում, Twitter և Telegram-ում
09:03 , 25 ապրիլի 
01:09 , 25 ապրիլի 
00:59 , 25 ապրիլի 
00:15 , 25 ապրիլի 
00:05 , 25 ապրիլի 
23:02 , 24 ապրիլի 
21:57 , 24 ապրիլի 
21:33 , 24 ապրիլի 
21:29 , 24 ապրիլի 
20:24 , 24 ապրիլի 
