Կասիլյասը կրկնեց Չավիի ռեկորդը

Պորտուգալական «Պորտուի» իսպանացի դարպասապահ Իկեր Կասիլյասը, մասնակցելով Թուրինի «Յուվենտուսի» դեմ Չեմպիոնների լիգայի 1/8 եզրափակիչի պատասխան հանդիպմանը, 173-րդ խաղն է անցկացրել եվրագավաթներում, հայտնում է Mister Chip-ը:

Այդ ցուցանիշով 35-ամյա Կասիլյասը կրկնել է եվրագավաթներում ամենաշատ խաղ անցկացրած իսպանացի լեգենդար կիսապաշտպան Չավիի ռեկորդը: Այժմ քաթարյան «Ալ Սադում» հանդես եկող Չավին եվրագավաթներում 173 խաղի մասնակցել է է «Բարսելոնայի» կազմում: Այդ ցուցանիշով երրորդ տեղում է իտալական «Միլանի» լեգենդար պաշտպան Պաոլո Մալդինին՝ 168 խաղ:

Հիշեցնենք, որ «Պորտուն» պատասխան խաղում նվազագույն հաշվով պարտվել էր «Յուվենտուսին» եւ լքել պայքարը: Պորտուգալիայում կայացած խաղում եւս հաղթել էր Իտալիայի չեմպիոնը (2:0):

Հետևեք NEWS.am SPORT-ին Facebook-ում, Twitter և Telegram-ում