Արաբական Միացյալ Էմիրություններում ընթացող ՖԻԴԵ Գրան պրի մրցաշարի 6-րդ տուրում շախմատի Հայաստանի հավաքականի առաջին համար Լեւոն Արոնյանը սպիտակներով խաղաց իսպանացի Ֆրանսիսկո Վալյեխոյի հետ: 48-րդ քայլում կողմերը համաձայնեցին ոչ ոքի արդյունքի: Հայ գրոսմայստերն այս մրցաշարում մինչեւ այժմ անցկացրած բոլոր պարտիաներն ավարտել է ոչ ոքի:
Լեւոն Արոնյանըն 3 միավորով բաժանում է 8-12-րդ տեղերը՝ առաջատարներ Մաքսիմ Վաշյե-Լագրավին եւ Շաքրիյար Մամեդյարովին զիջելով 1-ական միավոր:
Փետրվարի 25-ին կայանալիք 7-րդ տուրում Լեւոն Արոնյանը սեւերով կմրցի հունգարացի Ռիչարդ Ռապորտի հետ:
Մրցաշարի ավարտին մնացել է երեք տուր:
ՖԻԴԵ Գրան պրի, 6-րդ տուր
Արոնյան (Հայաստան, 2785) - Վալյեխո (Իսպանիա, 2709)՝ 0.5:0.5
Ադամս (Անգլիա, 2751) - Վաշյե-Լագրավ (Ֆրանսիա, 2796)՝ 0.5:0.5
Յակովենկո (Ռուսաստան, 2709) - Մամեդյարով (Ադրբեջան, 2766)՝ 0.5:0.5
Նակամուրա (ԱՄՆ, 2785) - Գրիշչուկ (Ռուսաստան, 2742)՝ 0.5:0.5
Հոու Իֆան (Չինաստան, 2651) - Դին Լիժեն (Չինաստան, 2760)՝ 0.5:0.5
Նեպոմնյաշչի (Ռուսաստան, 2749) - Լի Չաո (Չինաստան, 2720)՝ 1:0
Ռապորտ (Հունգարիա, 2692) - Ռյազանցեւ (Ռուսաստան, 2691)՝ 1:0
Էլյանով (Ուկրաինա, 2759) - Տոմաշեւսկի (Ռուսաստան, 2711)՝ 0.5:0.5
Համեր (Նորվեգիա, 2628) - Սալեմ (ԱՄԷ, 2656)՝ 0.5:0.5
Մրցաշարային դրությունը 6-րդ տուրից հետո. Վաշյե-Լագրավ, Մամեդյարով՝ 4-ական միավոր, Նակամուրա, Ադամս, Նեպոմնյաշչի, Գրիշչուկ, Յակովենկո՝ 3.5-ական, Արոնյան, Դին Լիժեն, Վալյեխո, Ռապորտ, Հոու Իֆան՝ 3-ական, Էլյանով, Լի Չաո, Համեր՝ 2.5-ական, Տոմաշեւսկի, Ռյազանցեւ, Սալեմ՝ 2-ական միավոր:
Հետևեք NEWS.am SPORT-ին Facebook-ում, Twitter և Telegram-ում