Բուլղարիայի մայրաքաղաք Սոֆիայում շարունակվող բռնցքամարտի Ստրանջայի միջազգային մրցաշարի երկրորդ օրը ռինգ դուրս եկած հայ 3 բռնցքամարտիկներից երկուսը հաղթանակ են տարել:
64 կգ քաշային Հովհաննես Բաչկովն իր երկրորդ մենամարտում հաղթել է Ուկրաինայի ներկայացուցիչին եւ դուրս է եկել քառորդ եզրափակիչ: 69 կգ քաշային Վլադիմիր Մարգարյանը մեկնարկային մենամարտում առավելության է հասել ադրբեջանցի մրցակցի նկատմամբ եւ նույնպես ապահովել է քառորդ եզրափակիչի ուղեգիր: 49 կգ քաշային Գասպար Բաբախանյանը պարտություն է կրել եւ լքել պայքարը:
Փետրվարի 23-ին ռինգ դուրս կգա 60 կգ քաշային Կարեն Տոնականյանը, ով պայքարը կսկսի 1/8 եզրափակիչից: Փետրվարի 24-ին պայքարի մեջ կմտնի գերծանր քաշային Դավիթ Չալոյանը, իսկ Հովհաննես Բաչկովը կպայքարի կիսաեզրափակիչ դուրս գալու համար, փոխանցում են Հայաստանի բռնցքամարտի ֆեդերացիայից:
Հետևեք NEWS.am SPORT-ին Facebook-ում, Twitter և Telegram-ում