Բուլղարիայի մայրաքաղաք Սոֆիայում ընթացող բռնցքամարտի Ստրանջայի միջազգային մրցաշարի մեկնարկային օրը ռինգ դուրս եկած 5 հայ բռնցքամարտիկներից միայն մեկին է հաջողվել հաղթանակ տանել:
64 կգ քաշային Հովհաննես Բաչկովը երրորդ ռաունդում նոկաուտի է ենթարկել Տայպեն ներկայացնող Պան Հունգ-Մինին եւ դուրս եկել 1/8 եզրափակիչ:
75 կգ քաշային Արման Դարչինյանը պարտվել անգլիացի մրցակցին, իսկ 81 կգ քաշային Արսեն Հայրապետյանը, 91 կգ քաշային Հենրիկ Սարգսյանն ու 56 կգ քաշային Վահե Բադալյանը պարտվել են Ուկրաինայի ներկայացուցիչներին: Բադալյանն առաջին ռաունդում առավելության է հասել մրցակցի նկատմամբ, իսկ երկրորդ ռաունդում վնասվածք է ստացել: Բժիշկներին չի հաջողվել դադարեցնել քթի արյունահոսությունը, ինչի պատճառով մենամարտը դադարեցվել է:
Փետրվարի 22-ին քառորդ եզրափակչի ուղեգրի համար կպայքարեն 49 կգ քաշային Գասպար Բաբախանյանը, 60 կգ քաշային Կարեն Տոնականյանը, 69 կգ քաշային Վլադիմիր Մարգարյանն ու գերծանր քաշային Դավիթ Չալոյանը, փոխանցում են Հայաստանի բռնցքամարտի ֆեդերացիայից:
Հետևեք NEWS.am SPORT-ին Facebook-ում, Twitter և Telegram-ում
17:57 , 20 ապրիլի 
17:22 , 20 ապրիլի 
16:21 , 20 ապրիլի 
15:16 , 20 ապրիլի 
14:20 , 20 ապրիլի 
13:11 , 20 ապրիլի 
12:10 , 20 ապրիլի 
11:12 , 20 ապրիլի 
10:21 , 20 ապրիլի 
09:07 , 20 ապրիլի 
